Educación prohibida

Film interesgarri hau ikustera eta horretaz hausnartzera gonbidatzen zaituztet.

Being and becoming: Unschooling-i buruzko filma

Unschooling-i burzko film bat egin dute. Filmari buruzko xehetasunak hemen ikusi ahal dituzue eta trailerra hemen bertan.

Etxean ikastearen kezka iturri nagusiak

Ikasteko era hau hautatu baino lehen hainbat gauza argi eduki behar ditugu. Hauek dira galdera ohikoenak.

Formazio berezirik behar al dute gurasoek?

Ez, garrantzitsuena beraiekin egoteko gogoa edukitzea da eta norberak gauza berriak ikasteko kuriositatea edukitzea. Etxean ikasteak ez du esan nahi denbora guztian etxean egon behar denik. Gurasoen papera ez da irakasle izatea, baizik eta seme-alabak inguruarekin eta beste pertsonekin harremanetan jartzea.Nola sozializatzen dira etxean gelditzen dira haurrak?Eskolara joaten diren eta joaten ez diren haurren arteko desberdintasun bakarra zera da: eskolara joaten direnak adin bereko haurrekin egoten direla, eta eskolara joaten ez direnak adin desberdinekoekin eta helduekin. Eskolaz kanpoko jardueretara ere joan ohi dira.

Legezkoa al da etxean ikastea?

Askotan etxean ikastea legezkoa ez dela pentsatzen dugu. Baina benetan horrela da?

Berriz ere Hik Hasi aldizkariak plazaratutako erreportaiak gure zalantzei erantzuna ematen die.

Portugalen

9/79 Legeak dio gurasoak direla seme-alaben lehenengo erantzuleak, eta heziketa hori gauzatzeko hiru modu aurreikusten ditu: publikoa, pribatua eta familia (553/80 lege dekretua). Etxeko heziketaren hautua egiteko familiak tokiko hezkuntza administrazioari jakinarari behar dio eta ebaluazio probak egin behar dituzte 4, 6 eta 9 urterekin.

Britania Handian

Etxeko irakaskuntza legala da. The Education Act 1996 (England and Wales) 7. atalak zera dio: gurasoek eskolatzeko adinean dauden seme-alabei euren adinaren, gaitasunen eta abildadeen araberako heziketa eraginkorra emango diete denbora guztian, eta baita behar duten heziketa berezi guztia ere, eskolara bidaliz edota beste modu batera.

Etxean ikastea

Gutxitan entzuten den ikasteko alternatiba da etxean ikastearena. Baina gero eta garrantzi handiagoa hartzen ari du. Baina, zer da etxean ikastea? Zein modu ezberdin daude? Zerk eragin dezake alternatiba hau hautatzeak?

Galdera hauei erantzuten duen erreportai bat Hik Hasi aldizkariak plazaratu zuen. Hurrengoa da:

"Eskolatu gabe etxean ikasten

Iraskuntza unibertsala eta derrigorrezkoaren ondoren, herrialde garatuetan beste irakaskuntza mota bat sortu da: familiek euren seme-alaben heziketa beren gain hartzea erabakitzen dute, modu arduratsuan eta etxean bertan. Eskola etxean, familian ikasi, familiako heziketa, etxeko heziketa, etxean ikasi, eskolarik gabe hezi, homeschooling, unschooling, learning otherwise... modu askotara deitzen zaio. Ez da eredu hobea edo txarragoa, beste alternatiba bat gehiago baizik. Batzuentzat egokiagoa izango da, eta beste batzuentzat ez. Izan ere, etxean irakasteak baldintza batzuk eskatzen ditu, eta horiek eduki ezean, hobe eskolara joatea. Horrez gain, legeak eta inguruak ere ez dute asko laguntzen hainbat herrialdetan.

Etxean hezteak zera esan nahi du: seme-alaben heziketaren kargu egitea modu integralean, bai ezagutzak eta abildadeak hartzeko, bai balioak eta printzipioak transmititzeko, eta beraz, funtzio horiek ez uztea inongo heziketa instituzioren esku.

Zergatik aukera hau?